Bairoon-e-Mulk Pakistani jo Pakistan ko koostey hain unkey naam

Pakistan ki misaal aisi maa ki hai jisney aap ko janam dia lekin wo kamzoor thi, bemaar thi aur majboor thi tu aap ka khayal na rakh pai. Lekin phir bhi uss maa k qadmoo se jannat nahi cheen saktey, uss maa k saath badtameezi nahi karsaktey, aur uss maa ka khayal rakhna aap ki zimaydaari hai.

Jis mulk mein aap rehtay hain, jis ne aap ko rozi di, izzat di, aman dia aur amaan dia, uss mulk ki misaal aisi maa ki hai jisney aap ko janam tu nahi dia lekin aap ka khayal rakha, aap ko parhaya likhaya, aap ki tarbiyat ki aur aap ko kisi qaabil banaya, tu uss maa ki izzat karna bhi aap per farz hai.

Lekin main kabhi kabhi sochta ho k aam taur per agar maa bemaar hojaye, kamzoor hojaye aur majboor hojaye aur din ba din uski haalat kharab hoti jarahi ho tu ziada tar uss mein qusoor aulaad ka hota hai. Aulaad ki nakaami hoti k wo apni maa ka khayal nahi rakh sakey. Aap apni maa ki khidmat nahi karsakey. Tu buniyaadi taur per ye nakaami ham sub ki hai.

Aaj jo hamarey mulk k haalaat hain uss per ham sub ko dukh hota hai, lekin phir main ye sochta ho k ham ne iski behtari k liye kuch kia bhi tu nahi. Hamarey yeha tu har admi ka haath ya tu doosrey ki jaib per hai ya gardan per. Hamarey yeha aaj bhi koi Sindhi hai, tu koi Butt sahab, koi Khan sahab hai tu koi Baloch. Aaj bhi hamarey yeha Kaafir factory ka kaam kaamiyaabi se chaalo hai. Ham doosri biraadari, doosrey firqey aur doosri zaat mein rishtey karney ko aaj bhi tayyar nahi hain. Aaj bhi hamarey yeha latadad tarah k taleemi nizaam hain, koi Cambridge system hai tu koi Agha Khan board, sindh board hai tu federal board, madarsey hain tu paachaas qism k, masjid hain tu falana shia ki masjid hai tu falana sunni ki. Tu ham kiss tarah ye umeed karsaktey hain k ham ek qaum hain?

Kiya ham ye baat purey confidence se keh saktey hain k ham ne Pakistan k haalaat sudharney k liye zara si bhi koshish ki? Kiya ham ye baat purey confidence se keh saktey hain k ham firqey, baraadari aur zaat ki buniyaad per taqseem honey ka shikaar nahi howay? Kiya ham ne kabhi rishwat di? Kabhi kisi ka haq maara? Phir kis haq se ham ye bakwaas kartey hain k Pakistan ne hamein kuch nahi dia tu ham bahar agaye?

Phir ham per ek aur bukhaar hai muslim umah ka, jiska kabhi koi wujood nahi raha. Falasteen ka masla bhi hamara hai tu Turkey ka bhi hamara hai, Iran ka masla bhi hamara hai tu Saudi Arab ka masla bhi, lekin jab baat ham apney masail ki baat karein tu jawab aatey hain k jee hukmuran bohot corrupt hain. Kiya doodh mein pani Nawaz Shareef milatey hain? Kiya jaali dawayein Asif Zardari ki factory se aati hai? Kiya adrak ko chemical mein bhiggo kar tazah Imran Khan kar rahey hain? Ye sub kaun karta hai hamarey mulk mein? Ham aap he tu kartey hain. 

Phir ham per bhoot sawaar hai jamhooriyat ka. Jamhooriat nahi, shamed democracy is the right word, ye jaali Jamhooriat hai jo jamhoor ki dushman hai. Inhon ne hamesha barbaad kia hai. Agr yeh banday k bachay hotay or jitnay bhi defending champions rahey hain, aaeen ki ek ek shiq, pehli satar se le k akhri satar tak, yeh gang rape kartay hain. O Nawaz Sharif agaye, O kon hai yeh peghambaer agyae? Changay Mangay? Kuch haya karo yaar. Jamhooriat ho tou genuine ho mere jesa banda us pe jaan dey dey. Kyun bewaquf bana rahay ho? Rape of vocabulary, lafzon ki ehhanat or touheen kar rahay ho tum. Kon si democracy? Yeh hain kon? Yeh khandaan kon hain? Kis ka parwarda hai yeh?”

Agar koi baat achi lagi tu usko share karein, aur agar koi baat se dil azaari ho tu uskey liye main maazrat khuwan ho, aur agar koi baat isliye buri lagey kyun k such karwa hota hai tu uski mujhe raatti barabar bhi parwah nahi hai.

Shukriya!!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s